Dapi ils onns 1990 s’engaschan ils secturs da la politica, da l’economia e da la cultura bunamain dapertut en Svizra adina dapli per sviluppar la collavuraziun suror ils cunfins. Malgrà ch’i dat divers aspects e problems cuminaivels, mussan las experientschas fatgas l’emprim en las metropolas da Basilea e Genevra e lura en las regiuns transcunfinalas da la svizra taliana e dal Giura, che la collavuraziun sur ils cunfins sto vegnir adattada mintgamai a las cundiziuns e las necessitads da las singulas regiuns. Quest lavuratori propona da reunir las experientschas transcunfinalas fatgas en il passà ed en il preschent da vischnancas, chantuns e da la Confederaziun (per exempel en las domenas dal transport, dal svilup urban, da la libra circulaziun da persunas, euv.). Il lavuratori prenda en mira da far ina bilantscha da questas experientschas, da chapir lur schanzas e lur limits e d’identifitgar strategias che pudessan meglierar la collavuraziun transcunfinala en il futur; forsa cun strategias cuminaivlas u surlaschond dapli cumpetenzas als chantuns ed a las associaziuns, respectond consequentamain las atgnadads socio-economicas e culturalas.

• Kurzfassung