Collavuraziun interchantunala: tranter effizienza e legitimaziun democratica
La collavuraziun interchantunala è daventada adina pli impurtanta quests
ultims onns en il context instituziunal svizzer. Tar las furmas da collavuraziun principalas tutgan la Conferenza da las regenzas chantunalas, las Conferenzas svizras dals directurs da departaments chantunals e las diversas conferenzas regiunalas. En quests divers gremis sa scuntran ils represchentants da las regenzas chantunalas per elavurar strategias cuminaivlas e per stabilir concordats, cun la finamira da represchentar meglier ils interess dals chantuns envers la Confederaziun. Questas furmas da collavuraziun interchantunala pon dentant metter en dumonda la funcziun dals parlaments ed ultra da quai n’è la legitimaziun democratica da lur decisiuns betg adina evidenta. La finamira principala da quest lavuratori è da furnir ina bilantscha davart questas novas furmas da collavuraziun, davart las schanzas ch’ellas porschan, ma er davart lur limits. Co pudess la collavuraziun interchantunala promover il federalissem orizontal reunind la legitimitad democratica e l’effizienza?
| Giovanni Biaggini | Professer a l’Institut da giurisprudenza a l’UNI ZH |
| Fabienne Freymond Cantone | Deputada en il cussegl grond VD, presidenta dal Forum Interparlamentar Romand |
| Fritz Sager | Professer al Kompetenzzentrum für Public Management, UNI BE (Manuscrit) |
| Beat Vonlanthen | Cusseglier guvernativ FR, president da la Conferenza da las regenzas chantunalas da la svizra dal vest (CGSO) |
| MODERATUR | |
| Edy Bernasconi | Schurnalist “La Regione Ticino” |
