Las transfurmaziuns socio-economicas e demograficas, la mobilitad geografica ed ils process d’urbanisaziun mettan en dumonda l’equiliber instituziunal tranter ils chantuns «gronds» e quels «pitschens». En il Cussegl dals chantuns, nua che mintga chantun e mez chantun ha il dretg da trametter dus respectivamain in represchentant, han ils chantuns demograficamain pli pitschens dapli paisa ch’ils chantuns pli gronds. La finamira da quest lavuratori è da sa fatschentar cun la dumonda, sche la situaziun actuala è anc giustifitgada u sch’i dovra refurmas instituziunalas. Qualas èn las schanzas e las ristgas da refurmas che han la finamira da definir ina nova rolla dal Cussegl dals chantuns, da sviluppar furmas da collavuraziun impegnativas en spazis funcziunals, da reunir unitads administrativas chantunalas u perfin da fusiunar chantuns? Co pudess ins valitar la factibilitad e las consequenzas da talas refurmas?

• Kurzfassung